9ஆவது ஐ.சி.சி. சம்பியன்ஸ் கிண்ண கிரிக்கெட் தொடர் பாகிஸ்தான் கிரிக்கெட் சபையின் ஏற்பாட்டில் பாகிஸ்தான் மற்றும் டுபாயில் எதிர்வரும் 19ஆம் திகதி ஆரம்பமாகும் நிலையில் குறித்த தொடருக்கான உத்தியோகபூர்வ பாடல் ஐ.சி.சி யினால் வெளியிடப்பட்டுள்ளது.
‘‘ஜீத்தோ பாஸி கேல் கே..’’ என்ற போட்டிக்கான பாடலை பாகிஸ்தான் பாடகர் அதிஃப் அஸ்லம் பாடி அதில் நடித்துள்ளார். இவர் பொலிவூட் மற்றும் பாகிஸ்தான் படங்களில் பின்னணி பாடகராக இருந்தவர். பிரபலமான அதிஃப் அஸ்லமுக்கு இந்தியா மற்றும் பாகிஸ்தான் நாடுகளிலும் ஏராளமான ரசிகர்கள் உள்ளனர்.
சம்பியன்ஸ் கிண்ண கீதத்தை அப்துல்லா சித்திக் தயாரித்துள்ளார். பாடல் வரிகளை அட்னான் தூல் மற்றும் அஸ்பாண்ட்யார் அசாத் எழுதியுள்ளனர். எட்டு அணிகள் பங்கேற்கும் குறித்த தொடர் எதிர்வரும் 19ஆம் திகதி முதல் மார்ச் 9ஆம் திகதிவரை நடைபெறவுள்ளது.
